14Yan
Turizm insanın asudə vaxtını keçirdiyi istirahət növlərindən biridir. Turizmin əsas məqsədlərindən biri digər ölkələrin və xalqların mədəniyyəti ilə yaxından tanış olmaq və rutin həyatdan uzaqlaşmaqdır.
Mövsümi və qeyri-mövsümi turizmMövsumi turizm böyük turist axını ilə xarakterizə olunur və əsasən iki mövsumi əhatə edir:
Mövsumdən kənar vaxtlarda isə (payız və yaz aylarında) digər aylarla müqayisədə turistlərin sayı xeyli azalır.
Hazırda turizmin müxtəlif növləri mövcuddur, onlar insanların istək və arzularına görə dəyişir və hər il yeni istiqamətlər yaranır.
Çimərlik və dəniz turizmi
Çimərlik və dəniz turizmini seçən insanların bir hissəsi əsasən dəniz, okean, göllər, su hovuzları ətrafında passiv istirahət etməyə üstünlük verir, digərləri isə tətillərini yaxta və ya kruzilərdə keçirir.
Çimərlik tətili üçün siz Azərbaycanın rayonlarını (Xaçmaz, Lənkəran və s.) və ya Bakının məşhur turizm kəndlərini (Mərdəkan, Bilgəh, Şıxov, Nardaran) seçə bilərsiniz. Yerli çimərlik turları zamanı siz müxtəlif yay festivallarında və tədbirlərdə iştirak edə bilərsiniz.
Kruiz səyahəti zamanı gəmi ölkələrin limanlarında dayanarkən siz sahilə çıxıb alış-veriş edə, yerli mətbəxin dadına baxa və ya şəhərdə gəzə bilərsiz. Kruiz turları eyni anda Yunanıstan, Türkiyə və Avropanın məşhur şəhər və adalarını görmək üçün unikal bir vasitədir.
Dağ turizmi
Dağ turizminin digərlərindən fərqli olaraq bir neçə növü var: alpinizm, qayayadırmanma, raftinq və s. Dağlara səyahət turistlərdən xususi fiziki hazırlıq və sağlamlıq tələb edir.
Dağlıq və qayalıq əraziləri sayəsində Azərbaycanda alpinizm, qayayadırmanma və yürüyüş turizmi yaxşı inkişaf edib. Haykinq üzrə məşhur marşrutlar – Çıraqlı-Cavadxan zirvəsi üzrə marşrutu və Kiş-Baş Göynük və Qumux-Qaşqaçay marşrutları sayılır. Həmçinin, Bazardüzü, Elbrus, Kazbek, Şahdağ dağlarına da yürüyüş üçün xüsusi marşrutlar mövcüddur.
Həmçinin, hər il milyonlarla insan yürüyüş və alpinizm üçün Alp, Karpat, Ural və Himalay dağlarına üz tutur. Bu dağlar bir ölkələrin ərazisini əhatə edir və eləcə də təmiz havası, şəlalələri, çayları və gölləri yüksək qiymətləndirilir.
Sağlamlıq turizmi
Sağlamlıq turizminin əsas məqsədləri xəstəliklərin müalicəsi və ya immunitetin sisteminin gücləndirilməsidir. Bunun üçün müxtəlif sanatoriyalar, duz, palçıq və mineral sullarla müalicə məntəqələri fəaliyyət göstərir.
Azərbaycanın Quba, Lənkəran, Masallı, Qəbələ, Naxçıvan bölgələri mineral bulaqları, termal və palçıq vannaları ilə məşhurdur.
Orqanizmin bərpası və diaqnostikası üçün digər ölkələrə üz tutan insanlar üçün də müxtəlif seçimlər və imkanlar var: Soçi, Pyatiqorsk, Essentuki, Kislovodsk sağlamlıq turizmi üçün ən yaxşı bölgələrdən hesab olunur.
Dini turizm
Dini turizm - turizmin ən qədim növlərindən biri hesab olunur və bura müxtəlif dinlərə mənsub müqəddəs yerlərə təşkil olunmuş ziyarətlər daxildir və əsasən müqəddəs bayramlarda təşkil olunur. Dini turizmin mərkəzləri: Məkkə, Mədinə, Qüds, Vatikan və digər ərazilər sayılır.
Mədəni turizm
Mədəni turizm digər ölkələrin və insanların mədəniyyətini öyrənməyə istiqamətlənib. İnsanlar səyahət zamanı sərgilərə, muzeylərə, teatrlara, konsertlərə və digər ictimai tamaşalara baş çəkir, memarlıq abidələri ilə tanış olur və müxtəlif tarixi seminarlarda iştirak edir.
Azərbaycanda mədəniyyət turizmi maraqlı və çoxşaxəlidir: Bakının simvolları hesab olunan İçərişəhər və Qız Qalasında, İçərişəhərin əsas bəzəklərindən olan Şirvanşahlar Sarayında gəzərək memarların və sənətkarların abidələrinə tamaşa edə bilərsiniz.
Bakıdan kənarda isə Qobustan Təbiət Qoruğu, Atəşgah məbədi, Qala muzeyi əsrlər əvvəl yaradılmış və möcüzəvi şəkildə günümüzə qədər gəlib çatmışdır.
Festival turizmi
Hər il dünyada bir sıra musiqi, yemək və mədəni-əyləncə tədbirləri keçirilir və turistlər canlı təəssürat əldə etmək üçün bu turizm növünü seçirlər.
Azərbaycanda keçirilən festivallar: Qəbələdə nar festivalı, Qubada alma və xalça festivalı, Gəncədə şərab festivalı, Bakıda Jara festivalı musiqimizin, milli adət-ənənələrimizin və kulinariyamızın təbliği baxımından yeni imkanlar açır.
Bundan əlavə zəngin tarix və musiqiyə malik olan Avropa da hər il rokdan elektron rəqsə, klassikdən müasir musiqiyə qədər müxtəlif festivallara ev sahibliyi edir.
Biznes turizmi
Biznes turizmi şirkət işçilərinin digər şəhərlərə təlim, digər şirkətlərlə əlaqə yaratmaq, tərəfdaşlarla danışıqlar aparmaq və müqavilələr imzalamaq, filialların fəaliyyətinə nəzarət etmək, elmi konfranslarda, konqreslərdə və müxtəlif tədbirlərdə (sərgilər, təqdimatlar, seminarlar) iştirak etmək üçün təşkil olunan turizm növüdür.
Təhsil turizmi
Təhsil turizmi karyera və ya fənnlər üzrə bacarıqların təkmilləşdirilməsi və ya biliklərin dərinləşdirilməsi məqsədi 3 aya qədər davam edən turları əhatə edir. Dövrümüzdə ən məşhurları xarici dilləri öyrənmək və ya xarici dil biliklərini dərinləşdirmək məqsədi ilə Amerikaya, Avropaya təşkil olunan xarici dil kurslarıdır.
Qastronomik turizm
Hazırda dünyada qastronomik turizm sürətlə inkişaf edən qollardan biridir. Əsas məqsəd müxtəlif ölkə xalqların və millətlərin mətbəx ənənələri və yeməkləri ilə tanış olmaq, kulinariya və aşbaz master klasslarında iştirak etməkdir.
Azərbaycana səyahət edən turistlər mətbəx incilərimizdən olan plovun, kababın, dolmanın, dovğanın, pitinin, düşbərənin dadından xüsusi zövq alırlar.
Turizmin faydaları
Turizm başqa ölkələrin və regionların mədəniyyəti ilə tanış olmaqla yanaşı, insanın maraq dairəsini və dünya görüşünü genişləndirir, onu mənəvi cəhətdən zənginləşdirir, fiziki sağlamlığını yaxşılaşdırır, şəxsi inkişafına təkan verir.
Bundan əlavə, turizm əlavə iş yerlərinin yaradılmasında, ölkəyə xarici valyutanın daxil olmasında, ticarətin inkişafında, yolların və mehmanxana tikintilərini artmasında mühüm rol oynayır.
Turizm şirkətləri
Hazırda Azərbaycanda 200-dən yuxarı turizm şirkəti yuxarıda göstərilən müxtəlif səyahət təkliflərinin hazırlanmasını, turistlərin daşınmasını, yerləşdirilməsini, ekskursiya və bələdçi-tərcüməçi xidmətlərini həyata keçirir.
Siz turizm şirkətləri tərəfindən təqdim olunan səyahət təkliflərini büdcənizə, səyahət növünə və digər amillərə görə Tourcloud.info saytına daxil olaraq bron edə və ya ala bilərsiniz. Qeyd edək ki, Tourcloud.info daxili və xarici turlar olmaqla bütün növ turları bir yerdə birləşdirən səyahət platformasıdır.
